Ek baat batani thi
Sunte jao…
Aajkal mujhe apni aankhon ki badi chinta hai
Shayad chashma lagne wala hai
Ek naukri ka offer aaya hai
Kya karoon?
Balcony ke saare paudhe jo tumhe pasand the
Marr gaye hain bina maali ke
Laptop ka charger kharab ho gaya hai
Lockdown mein milega kya?
Roz exercise karti hoon
Phir bhi koi asar nahi
Arre
Main bhi kaisi pagal hoon
Ek baat bol ke bolti hi ja rahi hoon
Aadat si ho gayi hai
Tumhare hone ki
Tum jao.
Bas jaate jaate ek baat sunte jao…